نصائح هامة :. للرسم الهندسى

اولا كل الشكر للمهندس محمد الراوى والمهندسة تفيدة لمجهودهم لرقى مستوى الطلاب

ثانيا ...التركيز الشديد بالذات في ورقة الأسئله..يعني تركزوا فين اماكن المساقط واسمائهم

اللى دايما الناس بتتلخبط فيهم وبينقصوا درجات عليهم في الفاضي

ثالثا .. اوعي تضيع وقتك في حاجه صغيرة زي الأركان والتقوسات وغيرها بتكون عليها درجات صغيرة
رابعا .. في الإمتحان ..حاول تهدي نفسك واوعي تبص لغيرك ...مش عشان الغش أكيد ^_^ .. انا اقصد ما تبصش لسرعة غيرك خالص ..اهم حاجه تركز في لوحتك انت وتمشي بالترتيب في رسمك
خامسا ..تجنب رسم الأجزاء اللى مش مفروض ترسمها .. لأنك هتضيع وقتك وهتمسحها وبكده هتبهدل لوحتك خالص والنظافه شيء هتتحاسب عليه اكيد ..انا اقصد رسم المسقط وبعد كده نقطع فيه
سادسا .. أهم حاجه ادواتك تكون نظيفه جدا بمعني تغسلها في البيت وتنشفها كويس علشان ما تبهدلش لوحتك

سابعا .. تجنب استخدام اسنان طريه في الرسم الأفضل استخدام (HB) اما في رسم الإستيل استخدموا اسنان B أو 2B في التظليل